Teach Zodawn project patkhiat ahih deklai (2010) in sum neihsa hiaizah a om a Teach Zodawn project i pan ding uh, kichihna a omkei. Awlmohna ziak liauliau a i neih bangbang atawm-atam genlou in thohkhawmle siamsin naupang khat-le-nih adia kiphatuam khathei ahi, chihtan a kimu baanlel hi. Huchi'n AWLMOHNA/VEINA masuan in lawm Joy Tonsing' inluahna, Munirka ah Teach Zodawn i pankhia uhi.
Awlmohdan kibangte omna mun tuamtuam himahleh 'kei le ka phattuam khakna om ding ahi', chih ngaihdan neite'n i lemtan bangzel in i neih-le-lamte kiphaltak in Zodawn a siamsin haksate ngaihtuah kawm in i thohkhawm a, huaite pansan in tuni tan Teach Zodawn in kalsuahpih i hi.
Contributor list bang i et chiang in awlmohna ziak hilou hileh hiai in zaw hon pe/thoh hetlou ding hiveh aw, chih theih ding mi tampi a om hi. SUM ZIAKKIA HILEH i panzohlouh hun a lungkia a Teach Zodawn nungkiinsan theihtham hi. Himahleh huchihsang mah in i veinate beilou in i neih lemchang chiang in sakhau apan i sawkkhe zeel a, huaite, I THOHKHAWMTE, kigawm in tatsatlou in kal i suan theizel hi.
Mihaute neihvaal nget a kisawmkei a, i MLA/Minister-te kiang a thuum le a kisawmkei. Nang-leh-kei pangkhawm a awlmohna ziak a kidaihlou sasate mah khenkhe geigei a i kalsuannapen manpha leh gah suangzaw THAM dia kilam-en ahi den hi.
Hunteng a sum-le-pai ngetna bawl le a kisawmkei a, a kidaihlouh luatchiang in piak teitei le sawmkei ni. I taksapte kaikhawm photle i thohtheih hun hong omzel na ding ahi. Tuni tan a sepna nei gina nailou, thoh ut mahmah hilehle a chih dingdan om mahmah lou dinmun a ding hiai i fbgroup member mahmah le hunkhop om dia gintak ahi. Huchibang a om zenzen leh ngaihdan hoih taktak i neihte kisuanglah hetlou a genkhia a mi encourage dia ana 'Like' sak bang ana 'comment' sak ding inle i kingen hi.
Hichibang a kal i suanzel lai in SUM KIA i focus khaak ding lauhhuai ka sa gu mahmah hi. Awlmohna i neih zel naakleh panpihna zaw ahun bangzel a hong luutzel dia koih mai ka hi.
Kuahiam contribution ana pia hinapi Contributor list a suahlouh maihkhak a om zenzen leh hiai i facebook wall mahmah ale taklat theihtham ahi.
Kalsuan khawm zel ni.
~ Lian Suantak @30/05/2013
No comments:
Post a Comment