Teach Zodawn Reports | 7th April, 2013

I pankhawmnate uh ziak in tuni tan Teach Zodawn in maban sawn in pai tou theizel hi. Hon kithuahpih leh hon nungthuaptute tengteng tung ah Teach Zodawn Steering Committee, Delhi, kipak mahmah hi. Mailam hun a leng non kithuahpihna uh leh nungthuapna uh kipoimoh touzel diing hi.

Tukum (2013) a i pai diingdan uh i genma un, kumlui a i sepkhawmna gah uh tamlou kizaksakna hiai bang ahi.

Kum paita, 2012, in Zodawn Siamsin Naupang 10 (sawm) ki-sponsor a, amaute’n lohchinna kipahhuaitak hon ngah chiat uhi. Tuate lakah mi 3 te’n mundang ah merit scholarship ngah ua, Teach Zodawn in i kipahpih mahmah uhi. Amaute:-

1. Mr. Pausianlian s/o Zentual, Lungthul (E) in tukum Hill Model High School, Singngat apat in Board of Secondary Education, Manipur nuai ah HSLC exam pia in, result ngak lel hi.

2. Mr. Mungkhanlian s/o Ginkhansuan, Khazang, Convention English School, Sinzawl a kai in Class – VIII Competitive Examination, 2012 ah 80.11% mu in, first position (topper) in pang hi. Tua ziak in EBCC Bangalore project, Daniel Scholarship ngah hi.

3. Miss Vungthianlun d/o Pumthantuang, Lungchin in, Hill Model High School, Singngat in final examination, 2012 ah 88.7% mu in, Section Topper hihna la hi. Tuaziak in, free studentship (tuition fee) hamphatna ngah hi. Huchi in, Teach Zodawn in admission fee kia i piaksak uh ngaita suak hi.

Kumlui (2012) in, Pu Thangkhanlian te’ innkuan in Mr. Pausuanlian s/o Mrs. Chiinthianmuang, Teikhang (Class-I) sponsor uhi. Tua bangmah in, Pu Joyful Tonsing te’ innkuan in Mr. Gensuanmuang s/o Chinlam, Lungthul (L) (Class-IV in HMHS) sponsor in, Pi Remkim in Miss Vungthianlun (Class-VI in HMHS) kumkim sponsor hi. Min taklat utlou mi phatuam ngai bangzahhiam kipawlkhawmte’n Mr. Lalminlun s/o Lamboi, Simveng (Class-B in Hope Baptist Academy, Rengkai) leh Mr. Donald Goulalven s/o Lamboi (Class-I in Hope Baptist Academy, Rengkai) Tuition fees August, 2012 to December, 2012 Teach Zodawn min in hon sponsor sak uhi.

Mi 2 bang sponsor ngai nawnlou diing a hong om man un, mi dang 3 (thum) sponsor beh a, amau toh gawm in tukum sung in mi 11(sawm-leh khat) ki-sponsor hi. Amaute, hiai anuai a bang ahi:-

TEACH ZODAWN SPONSORSHIP FOR 2013-14

Sl.No.	Min & Pa’ min	Khua	School	Class
1.	Thawnmuansang s/o Ginzamang	Lungthul (D)	Hill Model High School, Singngat	X
2.	Khailemlian s/o Khaineihlam	Singnagt	Hill Model High School, Singngat	VIII
3.	Vungthianlun d/o Pumthantuang	Lungchin	Hill Model High School, Singngat	VII
4.	Songkhanlian s/o Pumkhoson	Sinzawl	CES, Sinzawl	VII
5.	Gensuanmuang s/o Chinlam	Lungthul (L)	Hill Model High School, Singngat	V
6.	Pausuanlian s/o Chiinsianmuang	Teikhang	Emmanuel Academy, Teikhang	II
7.	Mr. Lalminlun s/o Lamboi	Simveng	Hope Baptist Academy, Rengkai	I
8.	Mr. Donald Goulalven s/o Lamboi	Simveng	Hope Baptist Academy, Rengkai	II
TUKUM 2013 A SPONSOR THAKTE
9.	L Sanglun        s/o Siamthansang	Sinzawl	CES, Sinzawl	V
10.	Malsawmkim  d/o Luaiminthang	NE Tangnuam	Grace Model School, NE Tangnuam	IV
11.	Manbiakching         d/o Nengzakham	NE Tangnuam	Grace Model School, NE Tangnuam	VII

Huan, tuni tan in Rs. 1,41,676/- kimuhsuah in, Rs. 52,130/- (excluding expenses for 2013) ki zang khia in; tulel in Rs. 89,546/- kinei lel hi.

Pathian hatna muang in hiai a tung a Zodawn Siamsin Naupangte panpih kisawm a hiai bang project ah hong kihel a phattuam ngaih suah nuamte ngaihnat mahmah leh kipahpih ahi.

  

~Teach Zodawn Steering Committee

Camp: New Delhi