Suunpihna [Sir Ginthianthang]

Unaupa Sir Ginthianthang (Kum 21) s/o T. Ginmang of Thanlon Khua a om, Tengkol sawk a kuankhia in Tuivai Lui a tuahsia a tuahna ah Teach Zodawn in nakpi in kisuun hi.

Amah, Sir Thang in Teach Zodawn Team in naupang i sponsored-te kaai khakna Grace Model School, North East Tangnuam, Mizoram ah Teacher seemlel ahi.

A kha tawldam ta henla, a nawtsiat inkuante'n khamuanna Toupa a kipan in ngah le uh chih i thumpihna ahi.

News Report from www.phualvatimes.com

Ginthianthang (21) s/o T. Ginmang of Thanlon, Ccpur dist, Manipur, apaisa April 4, 2015(Kiginni) a tengkol sawk dia kuankhia, inn tungkik nawnlou pen tuni, April 7, 2015 zingkal dak 4.00 velin Bungpilon leh NE Tangnuam(Mizoram) kikal a Tuivai luidung ah ki-laam(float) khia a, NE Tangnuam leh akimnai a khua Daido, Kholian leh Chiahpi te’n ni 4 sung sun-le-zan azon nung un siluang muhkhiak hita hi. Khosung mite gendan in leen(fishing-net) tungtawn a muhkhiak theih hi’n leng kigen hi. Ginthianthang sungkuante Thanlon leh Dorcas Veng kawmtuah a khawsa hi uhi.

Unaupa Ginthianthang ahihleh Rayburn College apan Class-XII a zawh in Mizoram a NE Tangnuam ah Evangelical Baptist Convention (EBC) saptuam in a bawl English Medium School a sinsaktu (casual teacher) va sem hi a, kiginni in a lawmte tawh tengkol sawk a omlai, vangsiat huaitakin Tuivai a kia(drowned) ahi hi.

PhualvaTimes’ WhatsApp group ah member khat Jona Tawmbing in Tangnuam a khawsung mite a thuzakna apan thil omdan kithei dan in, Tengkol sawk a kuante’n Chiahpi kaai lei(bridge) a chiahpi lama galkai in leibul ah avante uh kinga a atou zawng a sawk ua, sun ann nek ahun velin leibul a anntuun akoih uh vala ding in Ginthianthang va kuan a, aman Tuivai lui nawl tawn in anntun va la dia paikhai hi’n leng gen uhi.

Ann-tuun la dia kuan apaikik nawnlouh ziakin a lawm te’n leng va enkhia ua, ann tuun kia ana om in, a sap chiang unleng kuaman dawng lou a, inn lam a paikik hiding a koih in paisan uhi. Nitaklam in alawmte inn a tunkik chiang un Ginthianthang omlou ahihdan theikhia ua, patau takin gamlak ah zong uhi.

Huchihlai in vuah zuk ziak a tui niin in tui sunga tong tan le kimu thei lou a, vangphat thu a khut a i dap khak zenzen leh chia tlawmngai in lut zel uhi.
---------------

---------------
Reporting by Joy Ngaihte. Photo by Thang Hnun (2012 File Photo)
-----------
see more @ http://phualvatimes.com/…/3961-tuivai-ah-t-ginthianthang-si…
-------------
'Tuivai ah T Ginthianthang siluang ki-laam khia

http://phualvatimes.com/index.php/news/phualvanews/3961-tuivai-ah-t-ginthianthang-siluang-ki-laam-khia

Photo)

News and Photo credited to www.phualvatimes.comhttp://phualvatimes.com/…/3961-tuivai-ah-t-ginthianthang-si…