First Anniversary thupuak, Lopna leh Meeting 6-veina Report

~Teach Zodawn Steering Committee,

Camp: New Delhi

Zodawn Siamsinna awlmohna leh veina ziak in Teach Zodawn chih August 13, 2010 in kipan khia hi. Pathian kithuahpihna leh i pankhawmnate uh ziak in tuni chiang in 1^st Anniversary melmu thei a i om man un i kipahpih mahmah hi. Huan, lam chi tuamtuam a kithuahpihna hon pete, leh, deihsaktute tengteng tungah kipahthu igen banah Teach Zodawn 1^st Anniversary chibai ka hon buk uhi. 

Zodawn naupang haksa leh chihmawh; siamsinna maban sutzop diing haksa sa; i gam zawnna in ahenchipna apat suahtak haksa sa leh laizilna tawpsan mai diing dinmun a omte panpih (sponsor) i tup-le-ngim ahi tadih lai hi. Agency/NGO dan a koihiam akipan summuhna nei a naupang haksate panpih (chawm) aki hi kei hi. Himahleh, lungsim kibatpih awlmohna nei leh veina neite’n sum-le-pai i thohkhawmte ua pan in naupang chawmna (sponsor) kibawl hi. Teach Zodawn kiphuh chiil in Naupang 3 lel ki chawm mahleh tuni chiangin akigawm in 6 (six) bang ki chawm zou ta hi.

ANNIVERSARY LOPNA:

Mun tuamtuam ah Anniversary lopna neih in om. Aizawl ah leng, Teach Zodawn ngainatu bangzahhiamte’n Anniversary lopna nei uh, chih report zak ahi. Siliguri, Silchar, Sikkim leh khopi tuamtuam ah leng zatna om hi.

Delhi ah August 13, 2011 in SSPP te’n program aneih ziak un, TZ Steering Committee, Delhi in August 14, 2011 in lopna leh meeting neih ahi ngal hi. TZ SC meeting thupukna khenkhat hiai anuai abang in itaklang diing:-

Thungaihtuahte:-

1)         Mimbung English School te ngetna.

2)         Election vai.

3)         Finance Report leh adg.

Thupukna 1-na: Mimbung English School te’n Class-X te adia coaching sai sawm uh a, huai adin panpihna leh kithuahpihna hon ngen uhi. Sawttak kikup ahihung in, tulel dinmun a sum omdan et in, sum leh pai a panpih zou nailou phot di’n kithupuk hi. Amau leng ahon theihsiam uh nget ahi ngal hi.

Thupukna 2-na: Teach Zodawn Steering Committee member term 2011 a bei diing ahihtak man in, election neih hun diing ngaihtuahna kinei hi. Tua dungzui in, December kal masa, alemtang ni penpen a neih dia thupuk ahi.

Thupukna 3-na: Finance Secretary in sum-le-pai dinmun report hon bawl hi. Amah report-na akipan in, TZ in tutan in Rs. 72,226/- kimu suah a; Rs. 26,348/- khiak hita a; Rs. 45,878/- ki nei lel hi (Note: Financial statement, anuai a summuhna kichihna nuai ah et theih ding).

SUMMUHNA:

TeachZodawn in i summuhna taangpi uh, Zodawn Siamsinna veina leh awlmohna neite’ thohkhawm (contribution) ahi. Huan, Teach Zodawn Steering Committee in contribution kia a kingak theih gige louh diing, chih akithei a, T-Shirt bang leng kibawl in, summuh theihna di chi tuamtuam ah pan kila hi.

FINANCIAL STATEMENT

(Period: 13/08/2010 to 14/08/2011)

A. MUHNATE:

Sr.No.	Particulars	Amount
		Rs.	P
1	Contribution (from 80 individuals)	40070	00
2	Bank Interest	449	00
3	T-Shirt apan profit	31707	00
	Grand Total	72226	00

  

A. MUHNATE:

Sr.No.	Particulars	Amount
		Rs.	P
1	2010 kum a senna): Sinzawl Hostel apan: 1)  Ginlunthang (Cl-IX)    –  4950 2)  Zamgousiam (Cl-VII)  –  2250 3)  Lianmalsawm (Cl-VI)  -  2250	9450	00
2	2011 kum a senna: Sinzawl Hostel fee apan: 1)  Ginlunthang (Cl-X)      - 6000 2)  Zamgousiam (Cl-VIII) – 5100 Singngat Hill Model School apan: 1)  Khailemlal (Cl-VI)         - 2550 2)  Mangminthang (Cl-IV) – 1950 Teikhang Emmanuel School apan: 1)      Pausuanlian (KG)            - 1080	26130	00
3	Miscl	218	00
	Total	26348	00

Hiai atunga telkhalou Mr. Joyful & family te’n Mr. Gensuanmuang s/o Chinlam, Lungthul,Teach Zodawn min in sponsor uhi.

Pantheihna tuamtuamte:

Zodawn Siamsinna na awlmoh te’n (abiktak in Zodawn Sinlai-te), chiklai peuh in Teach Zodawn iki thuahpih thei gige diing. Hiai anuai abang in:-

1)         Sum-le-pai lam a panpihna pe theilou te’n leng maban Teach Zodawn pai diing kum in leng aki thuahpih theih (email: teachzodawn@gmail.com | website: http://teachzodawn.blogspot.com).

2)         Sum-le-pai ah leng akithuahpih theih diing hi. Neihval leh neihziak/luatziak hi sam lou in, Zodawn Siamsinna awlmoh leh veina ziak liauliau in, i neih khomkhom, atawm-atam thu hilou in, piakkhawm pen manphataka zat hi tou zeel diing hi. Atam lua a om louh bang in atawm lua leng a om kei hi.

3)         Zodawn naupang te kumkhat sung sponsor leng ahi thei diing. Zodawn ah khosakna haksa tamtak a om ua, ahaksa diak ichihte saanga leng haksa sa zaw teng leng Teach Zodawn in i panpih zou vek nai kei uhi.

4)         Siamsinte sim diing laibu leng athoh theih diing. Sim nawnlouh laibu lui (khat peuh) leng athoh theih. Hiai toh kisai tuma lam in leng ngetna akibawl a, bangzah hiam leng ki ngah ta hi. Banah, tua laibu i thoh/piak khawmte uh innlam a khak didan hon ngaihtuahsak, ahihkeh, akhak man diing siksak, chih bang in leng Zodawn Siamsinna iki thuahpih thei hi. Atomlam a gen in, Zodawn siamsinna panpihtheih na’ng kong/lam tuamtuam tamtak a om hi.

[Lunglut leh awlmohna nei a, pantheihna lam tuamtuam a pang nuam i om leh, hiai te a thuzak theih diing diing: L.Chinhaugou, Chairman (09873471680) | Mangkhum Tonsing Vice Chairman (09811303277) | Thangkhanlian, Secretary (09999776623) | Thangchinlian, Assistant Secretary (09899348158) | T.Vunghbiakmuan, Finance Secretary (09818842280)]